Oliy Majlis Qonunchilik palatasi deputatlari To‘ychi Yoqubov, Yulduz Mamadiyorova hamda xalq deputatlari Shahrisabz shahar kengashi deputatlari birgalikda Shahrisabz shahar tibbiyot birlashmasida bo‘lib, tibbiyot sohasida amalga oshirilayotgan islohotlar, qonun va qonunosti hujjatlarning ijrosi, shuningdek, aholi salomatligini muhofaza qilishda bemorlar uchun yaratilgan shart-sharoitlar, dori-darmon ta’minoti va davolash borasida amalga oshirilayotgan ishlar bilan yaqindan tanishdilar.

Deputatlar tomonidan kuzgi-qishgi tayyorgarlik jarayonlarini sifatli bajarish, dori-darmon masalalariga qonun doirasida e’tibor qaratish, korrupsiyaga yo‘l qo‘ymaslik bo‘yicha tegishli yo‘l-yo‘riqlar ko‘rsatilib, mavjud muammolarni hal etish yuzasidan mas’ullarga aniq taklif va ko‘rsatmalar berildi.